08/06/2022 |
SEO.HKWeb+接觸客人整 SEO ，最多人問既一個問題係 「 SEO幾耐先見效 」，當我哋講出答案後，佢哋就會搬出其他 SEO公司 既搜尋引擎優化同HKWeb+做比較，但我哋可以好肯定話俾大家知，如果短時間可以提升搜尋結果排名，呢啲 SEO公司 有機會用咗啲 黑帽SEO 。
SEO幾耐先見效
呢篇 SEO優化 要幾耐先有效既文章，可以初步俾到你整 SEO 既一啲預算。
- 1. 整SEO可以保證提升排名及流量
- 2. SEO整幾耐先見效
- 3. Domain Age 與 SEO 排名既關係
- 4. SEO 要整幾多個關鍵字
- 5. 要幾耐先獲得 Google 排名
- 5.1 74.8%1年域齡既網頁，係無搜尋排名
- 5.2 有幸入到第一頁既新網頁，需要持續2-6個月既 SEO
- 5.3 Keyword 既熱門程度、查詢次數與 SEPR 排名
1. 整SEO可以保證提升排名及流量
實際上係無辦法保證。Google演算法有大量既計分項目，連SEO工程師都無法破解所有細項，咁市面上既 SEO公司 又點樣可以保證將你既網站係指定時間幫你獲得大量流量、提升搜尋結果排名。有信譽唔好既SEO公司可能用黑帽手段將網站馬上排係較高SEPR既位置，但當你繳付高昂既 SEO費用 後，你 Website 排名亦會跌得好快。
正確、持續既網頁、內容上既優化，先有可能獲得唔錯既排名與流量，但絶不保證。
2. SEO幾耐先見效
我哋既答案係無確實時間，有時1-2個月見效；有時要超過3個月，大多數要6個月既 SEO 先會見到效果，
搜尋結果排名係受大量既因素所影響：關鍵字既搜尋趨勢、流量既變化、網站內容既質量、網站規模與架構、SEO 既投入、優化既技術、 Page Speed ，競爭對手既情況等等， SEO 大概要 6個月先見到成效。雖然搜尋排名每 3 日就會更新一次，但相關效果並唔大。雖則 6 個月先有較穩定既成效，問題在於每個項目、網站完全唔同。所以SEO要整幾耐？你盡量有個打持久戰既心理預期。
3. Domain Age 與 SEO 排名既關係
ahrefs 統計咗2百萬個隨機關鍵詞，排係搜尋結果前10既網域年齡，數據如下：
可以睇到，排在前10的頁面平均係650日（約2年）以上，搜尋排名越高，域齡越老。排係第一名既網站平均存在近950日（約3年）。
排係搜尋結果前10既網站：
- ~60%係3年以上；
- <20%係2年；
- 22%係1年以下既網站。
4. SEO 要整幾多個關鍵字
SEO公司唔會淨係整1個關鍵字，而係向你建議5~10個 Keywords （例如「網上行銷」，SEO公司會向你推薦其他附屬關鍵字：「網上行銷推薦」、「網上行銷要點做」、「網上行銷要注意什麼」等）。
* 權威既SEO網站顯示，關鍵字可能高達 20~30 個「長尾關鍵字」。
記住，你唔係葉問，好難一個打十個。多啲既 Keyword 可以增加你打嬴競爭對手，較易 SEO ，更易取得較高既 SEPR 排名。
5. 要幾耐先獲得 Google 排名
5.1 74.8%1年域齡既網頁，係無搜尋排名
ahrefs 隨機抽取2百萬個1年內既網，統計呢啲頁面既 關鍵字 排名，結果如下：
藍色係前10排名既頁面，橙色係第11-100排名，灰色係無獲得前100排名。
左側係所有頁面平均數據，右側三個係高域名權重（DR係ahrefs自己衡量域名外部連結既權重指標）。
可以睇到，1年曆史既網頁，只有5.7%獲得了至少一個 關鍵字 排係前10名。域名外部連結越強，這個比例就越高，新頁面獲得較好既排名。
74.8%的1年新頁面基本上沒有排名。
5.2 有幸入到第一頁既新網頁，需要持續2-6個月既 SEO
再睇睇呢5.7%獲得排名既 Web Page，從無排名到進入前10用咗幾耐時間：
大部分頁面用咗61-182天，由無排名到爬入前10，即係2-6個月。
要注意，呢個數據唔係話新頁面要用2-6個月做 SEO 就排到第一頁，即係5.7%入到第一頁既頁面所用既時間，剩低既94.3%根本沒進第一頁。
5.3 Keyword 既熱門程度、查詢次數與 SEPR 排名
越熱門、查詢量越高既 Keyword，新頁面獲得排名既比例就越低，查詢量每月 5 萬次以上既熱門詞，只有 0.3% 既 1 年新頁面獲得第一頁排名。
總結一下 SEO幾耐先見效
- SEO優化 時間係無絕對值，想要網站流量增長，除係品牌上作出改變，亦要持續優化網頁內容，利用 Backlink ，導回流量並增加曝光率。
- 你唔係葉問， SEO 唔好淨係整1個 Keyword ，而係多個 關鍵字 去操作與測試。
- 94.3 % 既 1 年新頁面無任何排名（10頁以後）
- 5.7 % 幸運獲得排名既頁面，要花2-6個月既 搜尋引擎優化 獲得排名
- 5.7 % 獲得排名既頁面，要獲得熱門關鍵詞排名，要用上 8 個月以上 SEO
你既新網站、新頁面， SEO 咗成年還都未見成效？因為係正常既。
